Nee. Ek kan nie waarborg wat jy gaan doen met die suggesties wat ek maak nie. Jy het vryheid van keuse en jy kan kies om hulle te aanvaar of te verwerp. Ek kan jou egter die versekering gee dat ek my uiterste bes gaan doen om jou te help. Daar is geen "magic" wat sal veroorsaak dat jy oornag 'n ander mens sal word nie. Verandering vat partykeer 'n bietjie tyd. Die vraag is hoe ernstig jy is om die verandering te maak? As jy werklik ernstig is, dan sal jy my suggesties aanvaar en gebruik. Onthou dat dit dalk 'n paar sessies mag vat om by jou doelwit uit te kom.

Nuwe kliënte betaal 'n besprekingsfooi van R 250 om die eerste sessie te bevestig. Sessies is R 700 elk. Ophou Rook is R 950 vir 'n individu en R 1650 vir twee mense. Kry 10% afslag op die Gewigsessies as jy 4 sessies vooruit betaal en 20% afslag as jy 8 sessies vooruit betaal. Alle fooie is vooruit betaalbaar, geen terugbetalings word gedoen nie. Indien jy 'n sessie wil kanselleer of die afspraak wil uitstel, moet jy ten minste 48 uur kennis gee, anders sal die volle sessiefooi betaalbaar wees voordat enige verdere afsprake gemaak word.

Nee. Hierdie is 'n algemene misverstand oor hipnose. Niemand kan teen hulle sin gehipnotiseer word nie. Hipnose is 'n 100% konsent toestand. Niemand kan geforseer word om iets teen hulle sin te doen nie. Die "beheer" misverstand kom van verhooghipnose af, wat snaaks genoeg ook maar net mense is wat presies doen wat hulle wil doen.

Jy gaan nie aan die slaap wees tydens die hipnotiese proses nie. Hipnose is gewoonlik 'n baie ontspanne toestand, maar dis nie slaap nie. Baie mense sê na die hipnose sessie dat hulle nie gehipnotiseer gevoel het nie, maar dis deel van die misverstande wat rondom hipnose bestaan.

Ja! Hipnose is nie slaap nie, so jy hoef nie wakker te word nie. Tydens hipnose is jy bewus en in beheer. Jy kan ter enige tyd uit hipnose uitkom as jy kies om dit te doen.

Nee! Jy kan nie geforseer word om enigiets te sê of te doen wat jy nie wil nie. Onthou: jy is totaal en al in beheer en bemagtig. As dit nie die geval was nie, dink jy nie die polisie sou net hulle verdagtes gehipnotiseer het en hulle dan kry om "die waarheid" te vertel nie?

Alle normal mense kan gehipnotiseer word. Al wat dit vat is intelligensie, kommunikasie en instemming. As jy intelligent genoeg is om die hipnotiseur se voorstelle te volg, en as jy effektief met die hipnotiseur kan kommunikeer sodat jy opdragte kan volg en jou toestemming gee, dan is hipnose verbasend maklik en vinnig.

Nee. Die graad van hipnotiseerbaarheid is heeltemal apart van die graad van geloof daarin, net soos jy nie in elektrisiteit hoef te glo vir dit om te werk nie. As jy nie gehipnotiseer wil wees nie, dan sal jy nie.

Dit hang alles af van hoeveel informasie in jou onderbewussyn uitgewerk moet word. As dit 'n klein bietjie informasie is, sal jy minder sessies benodig as wanneer daar baie informasie is om deur te werk. 'n Pot wat dopgehou word kook nooit, en vir dieselfde rede is dit nie 'n goeie idee om jouself onder druk te plaas om vinnige resultate te bereik nie. Hoe meer jy daarin belê om te doen wat nodig is vir jou om vordering te maak, hoe vinniger sal dit gebeur. bEk volg 'n vier sessie benadering, alhoewel jy dalk meer sessies sal benodig.

Baie basies is hipnose 'n natuurlike toestand van verhoogde suggereerbaarheid en 'n metode van kommunikasie tussen ons intellek en onderbewussyn.

Hipnose kan baie effektief wees om mense te help om gewoontes te verander indien hulle 'n werklike begeerte vir verandering het. Dit gaan egter alles afhang van hoe graag jy wil verander. Onthou dat ek net die suggesties gaan maak, jy is die een wat die suggesties moet implementeer. Ons is almal verskillend en sal verskillend reageer. Die eintlike vraag wat jy jouself moet vra is: Hoe graag wil ek verander?

Stresvermindering. Selfvertroue, Motivering, Sport, Verbetering van Geheue, Oplos van Depressie, Verwydering van Fobies en Vrese, Praat voor Mense, Pynbeheer, Ondersteuning vir Diabetes, Ondersteuning vir Kanker, Manlike Impotensie, Bevryding van Alkohol en Verslawings, Regressie, Vorige Lewens Regressie, Metafisiese Groei en soveel meer!